Von Vätern (deinen, meinen und seinen), Hosenträgern und noch mehr Pink

Wos soll i groaß sogen, die Bilder sprechen Bände... 80er Jahre Party und mir hoben inser bestes geben :) Is Schlimme isch: beim googlen wos so wirklich 80er wor hot man so monches glesen wos man selber als Kind no über sich ergian lossen hot miasen.... haha

Eigentlich hon i gedenkt, wo i in Daniel derhoam oholen gongen bin, dass er di Tür aufmochen und sich toatlochen werd wenn er mi in dem Aufzug sig..... Genau umgekehrt wors am Ende:
Petra: "Oh mein Gott, du siehst genauso aus wie mein Vater früher!!!!"
Vanessa: "Nein gar nicht, er sieht aus wie mein Vater früher!!"
Daniel: "Hört mal, ich seh aus wie mein Vater!!"
Herrlich!!
I muas olm no lochen wenn i des sig... hahaha
Der Rest der Truppe
Pink, pink, pink und pink
Daniels hahaha Tennissocken, hahaha
Die 70er hoben is peace Zeichen ghob, bei die 80er wormer ins net so gonz einig, deswegen hobmer beschlossen oanfoch an Finger derzua zu nemmen :)
Net jeder hot den logischen Gedonkengong mitgekriag :)


Und weils so schian wor no an original "Kaugummikauen-wia-in-die-80er"-Video (steat leider seitlich):

Frühling! FRÜHLING! F r ü h l i n g !!!!

Endlich hot a Schweden verstonden dasses longsom Mai werd und endgültig genua isch mit Schnea und Wolken und Scheiß (tschuldigung) Wetter! Und damit mor des die Leit derhoam a glaben (über 20° in der Sunn!!) hon is dokumentiert:

I genieß gonz offensichtlich is erste Eis der Saison





Und weil i selber koane Vorlesungen hon (jetz schun) setz i mi gonz fleißig mit der Vanessa in ihre (sie studiert Physik, so gonz nebenbei)Und i verstea offensichtlich olles
Und die Vanessa a
Experimentieren ban Computer isch lei holb so intressant wia...
... des wos aufn Computer pickt :)

Haha... i glab des wos sie ins zu verstian geben will isch dass die Schweden kronk im Kopf sein weil sie oben ohne Volleyball spielen... also sooo worm isch a wieder net!Boote bzw Floße bauen für Valborg
Heint isch net ihr Tog glabi, haha.... worauf sie zoag isch der komische Schwede in seinem no komischeren Aufzug hinter ihr
Jo also des isch net genau wos i unter Boote bauen verstea
Mehr Boote bauen

Groaße Kinder
Jo... hmm... also
Und zum Schluss no die Vanessi bei ihrer Orbeit im Labor (uaaoooo kling so wichtig!!)
Und beim ersten Grillen (bzw Salat knabbern)

Gonz kurz am Ende no der Link zum Valborg-Artikel aus Wikipedia, für de des net kennen:
http://de.wikipedia.org/wiki/Valborg_(Schweden)

Gonz viele doppelte Vokale, Kaas (aha!) und mein Flavialein

Isch zwor a schun wieder a poor Wochen her, ober isch man jo eh schun gwehnt von mir dass i a bissl länger brauch. Auf jeden Foll wor i vor a poor Wochen in der Schweiz die Flavia bsuachen - endlich!!

Kurze Zusommenfossung: Die zwoa Minderheiten sein olm no a super Team, mir verwenden Wörter im Dialekt de koan Deitscher verwenden tat und verstian ins trotzdem (Zitat Flavia: "Die sind neben den Schuhen!"), echtes schweizer Racklet isch unübertrefflich (vor ollem wennns von Schweizer a no serviert werd) und... hmm... in Rest schaugs enk am besten selber un:

Aussicht von Basler Münster:

Flavialein und Petri aufn Basler Münster:
Und nomol die Aussicht:
Flavialein und Petri und Rhein:

Wenn man in Rhein überqueren will muas man a Fähre nemmen und damit de von oaner Seite auf die ondere kimp muas man die Glocke leitn:
Auf der Fähre:
Schild auf der Fähre... wia gsog, die doppelten Vokale:
Rathaus:

Aussicht von Flavias Weinberg (viel mehr der von ihre Eltern)
A Südtiroler in der Schweiz:

hahaha.... Dodati in Zoo in Basel... noch der lustigen Helga hon i ollerdings vergeblich gsuacht:
Der Kollege hot so schian in die Kamera gegrinst:

Grod dabei die greaste Pizza seit Menschengedenken zu fabrizieren:
Voilá:
Und zum Schluss no a poor typische Schweizer Sochen (hmm vielleicht net gonz typisch) :)

I woas net wos passieren tat wenn mir inser Gschirr mitn Handy spialen taten :)

Die Rache der Daheimgebliebenen...

Wor jo olles guat und schian zu Ostern in Schweden (a wenns mein erstes Ostern net derhoam wor)... ollerdings hon i mor schun gedenkt dass do no irgendeppes kemmen muas, sunsch war des jo viel zu oanfoch gwesen... und kemmen isch es heint in der fria und zwor in Form von Fotos... Fotos vom Essen des i derhoam in Bozen verpasst hon weil i jo in Schweden bleiben hon miasen (Zitat)... und damit net lei i leid hon i mor gedenkt i stell die Fotos do online:

Osterbrot, Osterschinken, Goggele (Ei, hehe) usw...
Fritattensuppe...
Kalbsfilet mit Trüffelsauce, Püree und Spargel Hauptspeise Tag 2: Lammkaree (keine ahnung wia man des schreib)mit Polenta und Speckbohnen und Weinsauce
Weiße Schokolade- und Schworzbeerparfait
I leid im Stillen...

Frohe Ostern in Schweden... im Schnea und am Meer :)

Nochdem Daniels Eltern grod do sein und mor deswegen zwoa Autos zur Verfügung hoben (und logisch weil sie so nett woren ins mitzunemmen - danke vielmals!!) :) seimer heit, am Ostersunntog an die Küste gfohren...

Mir hoben schun drei Tog davor ungfongen Sochen zu bocken und kochen und kafen usw. für inser mega Picknick des geplant wor (und des es ins fost vertrogen hett wegnen Schnea...) und zum Glück isch donn irgendwenn is Wetter a so weit in Ordnung gwesen dass mor gekennt hoben draußen essen... Mitn Meer vor ins und Wold und Schnea hinter ins... herrlich schwedisch - Nix gegen longweiliges Ostereiersuachen im Gorten derhoam... sell konn jeder! :)

Frohe Ostern!!

Zwoamol hobmer gmiast mit der Fähre fohren (net zu Inseln sondern lei von Schäre zu Schäre)

Petra und Alice eingepockt und komische Gsichter mochend (net lei Gsichter)
Kinderlen hoben Spaß mit Eiszopfen

:) Daniel und Petra beim Spielen
Eis-Wosser-Blumen:
Und Aussicht:

Picknickplotz
Alice:

Wiiiiien und meine Sandi oder Warum zum Teifel hon i mi für Innsbruck entschieden oder Wow - soo schaug also die Sonne aus...

I muas in Niels zuastimmen wenn er sog dass "Wien" der bledste Nome isch, den sich die Österreicher für so a Stodt hoben aussuachen kennen... "Wien"... des kling fost so wia.... hmm... keine Ahnung ober holt irgendeppes ekelhoftes... bsunders wenn man is "i" gonz schian long ziacht so wia in "Wiiiiiiiiiien" - schrecklich, oder net? Do lob i mor ondere Sprochgruppen de dor wunderschianen Stodt, de Wiiiiiien a isch, an wohlklingenderen Nomen zuakemmen lossen wia z.B. "Vienna" - herrlich...

Zusommenfossend konn man über Wien sogen: is Wetter wor super, endlich wieder gratis SMS, die Leit verstian meine Sproch (wenigstens annähernd) und i hon olm no ernsthofte Rückenbeschwerden weil ins die Sandi aufn Boden schlofen gmocht hot :)

Die tote Sissi, der tote Kaiser und der sich selbst abgemurkselte Rudolph, der Sohn von der toten Sissi und von toten Kaiser:

Stephansdom bzw -plotz
Schloss Schönbrunn (des seinem Nomen desmol olle Ehre mocht)
Nielsi hin und weg von Schloss Schönbrunn und die Gärten - und es isch no net amol Summer!!
Uaoooo:
Petra vor Schloss Schönbrunn ;)

Nielsi werd größenwahnsinnig vor Schloss Schönbrunn
Is obere kloane Haisel gegenüber von Schloss Schönbrunn (Gott des isch peinlich)

Eisbärbeeeeebiiisssss ;)

Riiiiiesenschnitzel ... hons zwor aufgessen (wor brutal guat) mir wor ober danoch nimmer so brutal guat... Niels wor a begeistert - die Rechnung von 24€ hot ins wieder aufn Boden der Tatsachen zruggholt...
Chrissi, Sandi, Perzi und Nielsi vorn FiglmüllerIs Belvedere - um in Niels zu zoagen wer Klimt isch und wia "Der Kuss" ausschaug... :)
Im Prater isch er donn endgültig glücklich gworden weil er Neuseeland aufn Globus gfunden hot

4,20€ für an Kaffee... autsch!
Und nochdem Wien die letzte Station auf insrer Reise wor bin i noch a poor Tog hoamgfohren und der Niels no weiter noch Budapest... Schian ischs gwesen, viel zu schnell vorbei logisch ober i bin trotzdem froa dass i wieder a Weilele in meinem Bett schlofen konn und net noch spatestens drei Tog umziachen muas... :)

Hoff dass mors irgendwenn... in 10 Monat oder so ;) nomol zomkriagen so eppes zu mochen - desmol vielleicht auf der ondern Seite der Welt, wer woas...

Prag oder die Stodt de olle stroft de an tschechischen Nomen hoben ober leider net tschechisch kennen...

Wenn i Prag wia mirs erleb hoben in wianige Worte beschreiben miaset tat i sogen: wunderschian, der schlimmste Sturm (Emma) seit a poor Johr, Bier des sogor der Petra schmeckt und total in italienischer Hond... (koaner sog dass sell guat isch - v.a. net wenn man sich eppes unschaugen will und von a Horde desinteressierter italienischer Oberschialer mit Sunnenbrillen (man bedenke den Sturm) überschrien und ungrempelt werd)...

Wirklich erzählenswert isch ollerdings lei oane Gschichte, de bis an mein Lebensende an meinem Gerechtigkeitssinn nogen werd:

Um glei amol einleitend zu sogen - i hon im Prinzip nix gegen die Tschechen... war a ungerecht weil mein Opa a holber wor (wenn er des heart drahnt er sich im Grob um) und weil mor in Prag bei der Jana übernochten hoben terfen, de a a Tschechin isch und mit ins in Uppsala studiert hot... Ollerdings isch de Ansicht am letzten Tog - genauergsog in die letzten Minuten insres Pragaufentholts schwar ins schwonken kemmen....

Wermor net glott aufn Weg zum Bus noch Wien von die Ticketkontrolleure in der U-Bohn aufgholten. Für die Petra isch sell on sich jo koan Problem, weil sie ohne gültigen Fohrschein nia in so a Gefährt einsteigen tat weil sie sich unscheißt, ober der Niels, der aus Prinzip und sowieso nirgends Tickets kaft hot logisch desmol a koans ghob.... Logisch - um der Show Willen - muas er unfongen in seine Taschen zu kramen und "I schwör, i hons grod no ghob" stammeln.... Wobei i mein Ticket schun längst gezoag hon unds a gepasst hot weil er koan Wort gsog hot...

Schian und guat irgendwenn wern sie misstrauisch weil der Niels hot so gor nix findet und verlongen insre Ausweise... und do fong is Schlamassel un... plötzlich werd mit mir lei mehr tschechisch gredet und i kenn mi hinten und vorne nimmer aus, weil i grod ausnohmsweise gor net in Kopf hon dass i jo an tschechischen Nochnomen hon... und i holt lei "Sorry, I don't understand you, sorry, sorry... " gstottert bis er endlich wieder auf Englisch umscholtet und moant: "Wia, koan Tschechisch? Hosch jo an tschechischen Nomen..." Und i lei: "Jo ober sell isch a is oanzige" Und er: "700 Kronen!" (25€) Und i: "Wieso?"

Hebs enk - mein Ticket wor lei für 5 Stationen gültig ober i bin 6 gfohren... uuuh! Und hon also im Endeffekt genau is gleiche zohlen miasen wia der Niels a, der auf der gonzen Reise net oan onziges Ticket gekaft hot...

Und lei weil i net Tschechisch konn!!!!!!

Guat... Wuat hon i ausglossen und in bleden Grinser von Niels in gonzen Weg noch Wien a verorbeitet - Zeit für die Fotos:

Katka, Nielsi, Jana:
Tschechisch x3 (zumindest vom Nomen her)

Karlsbrücke Karlsbrücke mit Petpet
Nielsi und Petpet auf der Karlsbrücke
Nielsi nightshot
Wos genau i in mein Gschäft verkaf woas i net, ober noch mir benonnt isches auf olle Fälle
Oanen Tog seimer in a Dorf a bissl außerholb gfohren (und fost nimmer zrugkemmen) und hoben a Kirche ungschaug wo im Inneren olles aus die Knochen von 40000 (oder 80000 - hmm...) Leit gebaut worden isch.... bruuutal unheimlich!
A Woppen:
Deckenschmuck aus Totenköpfe... wieso a net...
Der Weg zur Kirche:

Am letzten Tog wor no is jüdische Pragmit seine 20 Milliarden Synagogen drun Sogor die Neuseeländer miasen sich an die jüdischen Traditionen holten
Jüdischer Friedhof
Kafka Denkmal