Neidisch? hehe.... vielleicht jetz no net,ober spätestens nochdem die Fotos gsegn hobs :)
Positives:
Is riesige Pickerle und die 2 Stempel in mein Poss (endlich worer für eppes guat), es wor net so kolt wia mor ins erwortet hoben, mir sein weder entführt, erschossen, no umgebrocht gworden (sein die letzten zwoa Sochen is gleiche? hmm...), es wor volle a Spaß, Russlond isch saubillig (3 Euro a McDonalds meal), trotz der longen Busfohrt koane Trombosen gekriag
Negatives:
die Russen, koaner konn Englisch, i will in mein Leben koan Bus mehr von innen segen (53 Stunden Busfohrt innerholb 6 Tog erklären des vielleicht), brutaler Stress, weil viel zu viel zu segen ober viel zu wianig Zeit, bin in Moskau (oder wors St. Petersburg?!) verloren gongen und hon lei mit Mühe und Not zum Bus zruggfunden (i hoss Busse), die Stroßen in Russland sein ollerletzte Sau (gibs den Ausdruck überhaup? und i hoss Busse) und i wunder mi ernsthoft dass mor des überleb hoben
Wissenswertes:
In Russland brauch man koane Fohrschual besuachen wenn man an Führerschein will, man kaft nen sich oanfoch in der U-Bohn (ok, des mit der U-Bohn wor erfunden, ober der erste Toal stimmt echt...) - guat für die Russen, seeeehr schlecht für ins...
Wunderts enk net wenns mitten auf der Stroß aufgholten werds und auf Woffen durchsuacht werds... man konn schließlich nia wissen :)
A wenn es glabs des vor enk isch a komplett laarer und unauffälliger Plotz, hoast sell no long net, dass es nen oanfoch so überqueren terfts... erster schaugen, ob verdächtig viele (sell isch die Steigerung von viele... weil viele sein überoll) Militärtypen ummerlafen, weil sell kannt hoasen dass der Plotz aus mysteriösen, Europäern völlig unkloren Gründen gsperrt isch
Net glei wundern wenn die a Russe unbrüllt, man woas nia obs höflich und nett gmoant isch, weil is Lochen hoben die ormen Russen nia glernt... hom a net viel zu lochen (wegen Militärsperren, kolten Wetter und ständigem Kopfwea wegen zu viel Wodka)
Fotos in der U-Bohn mochen isch streng verboten... Wieso? Koane Ohnung, weil der, ders probiert hot isch jo auf Russisch ungebrüllt worden...
So, und zu guater Letzt, noch so viel wichtiger Info no a poor schiane Fotos...
Wia viele Leit passen in oane Kabine...
Sobold mor die russische Grenze überschritten (bzw. überfohren... hmm... kling komisch) hoben, hot a Typ ins aus an Lieferwogen Geld gwechselt und Wodka verkaft...
N.B.: I sitz IM Bus... hehe, braaaves Gitschele
Erster Ausflug auf russischem Boden in St. Petersburg... HUNGEEER!! Birti und Petra:
Nielsi und Petra, k-k-k-kolt...:
Eis!!
Sommerresidenz der Zaren:
Birti und i vor der Sommerresidenz der Zaren:
Ella, Jodie, Karin, Birti und i wia mor vor der Sommerresidenz der Zaren ausrutschen ;)
Sexy :) und Pflichtbekleidung wenn man in die Sommer... ok, jetz her i auf
Innen:
Souvenirs:
Wobei meine Souvenirs jo no nett sein, ober der Niels hot sich net davun obringen lossen den Huat zu kafen... und sich danoch 10 mol stärker gfühlt.. haha
Hermitage:
Moskau:
Birti und i vor der Uni... zum Glück wormer rechtzeitig wieder im Bus (aussteigen, 10 Minuten Fotos mochen und wieder zrug einsteigen) weil Niels & Co. sein zrugglossen gworden um hom miasen mit der Metro ins Hotel finden... man bedenke: mir hoben no net amol eingecheckt ghob, koaner hot gwisst wo is Hotel wor und koan Russe red Englisch...)
Sooooo viel Kitsch!!
Nachtspaziergang:
Und nomol bei Tog:
Uaaaooooooo:
Do sitzt der Putin drin:
St. Petersburg:
Und die Moral von der Geschicht: Russland liebt man oder nicht!
(wie philosophisch!!)
und? neidisch?? :)
