Vilnius & Diti

Oane von die unmenschlich vielen Sochen, de i auf der guaten Reise bis jetz glernt hon isch, dass die Litauer gor nix (und mit gor nix moan i gor nix) ohne schweinefleisch essen... und mit Schweinefleisch wiederum moan i von Kopf bis zum Schwonz is gonze Viech... Und weil man sich jo unpassen will und nuie Sochen ausprobieren soll, hobmer ins von der Edita beroten glossen und oane von de tollen Spezialitaeten bstellt (bstellen hoast no long net, dass mors a gessn hoben - i zumindest net)...

Wos man do unter onderem so sig sein Schweineohren, Schnauze, Zunge, und a poor Wuerste wo no ondere undefinierbor gmochte Schweineteile drin sein:

Die Edita und i hoben ins mit die net fleischlichen Bestondteile zufrieden geben, wia zum Beispiel frittiertem Brot: (wenns sogor die Einheimische net isst...)

Niels der Schweineohren isst (und verzweifelt versuacht so dreinzuschaugen als obs ihm schmecken tat):

Jo genau... er hot noch der Show logisch a a Stickl Schnauze probiert (sogor er hot noch dem Stickl zuageben gmiast dass man am besten net is gonze Schwein von Putz bis zun Stingl essen sollet)...
Hon davor gonz vergessen zu erwaehnen, dass des jo lei die Vorspeise wor um ins die Zeit bis zur Hauptspeise zu vertreiben... und die letztere folgt sogleich - wia man sich vorstellen konn mit an haufen mehr Fockenviech:
Und is meiste hobmer desmol a gessen :)
Ausser fuer die Focken isch Vilnius ober a no bekonnt fuer seine Milliarden Kirchen (die unrestaurierte Franziskanerkirche z.B.):
Und no oane...



Und der Turm von no oaner...




Diti, de ins ins Vilniuser Nochtleben einfuehrt...



In der besten Bar der Welt: Bruce Lee (konn mi leider net an die litauische Schreibweise erinnern... jo - sie schreibens onders!)
Im besten Einkauszentrum der Welt... man konn von dem Restaurant aus in dem mor woren auf an Eisring in die Leit beim Schlittschualafen zuaschaugen...
Es schaug zwor aus wia a Klodeckel, isch ober a Lompe: