Krakau

Mittlerweile seimer wieder heil zrug in Schweden, ollerdings trotzdem no die Fotos von Rest von insrer Reise:

Krakau isch also insre 2. Station in Polen, hoast ober no long net dass i mor die gonzen Standardwörter wia "Dankeschön", "Hallo", "Tschüss" usw merken muas... muas zuageben dass sie der Niels schun drauf ghob hot, für mi ober olles 1. genau gleich und 2. noch Salot geklungen hot ("Chikoree " - i bin mor mehr wia lei sicher dass man des net so schreib :))

Wia man sig isch es in der Tram in Krakau net erlab zu Rollerbladen, zu rachen an Eis zu essen und... gonz wichtig... auf koan Foll Trompete spielen (altro che "nicht mit dem Fahrer sprechen") :) Ach soffl nett .... I glab mir sein do grod vorn Schloss gstonden, ober wia üblich isch Nielses Orm leider zu kurz um ins UND die Aussicht draufzukriagen
So - desmol ungeblockt - Wawel Castle in Krakau mit Kathedrale
Hauptplotz in der Stodt
Und nomol.... hot mi brutal an Venedig erinnert (ohne Wosser logisch) und die Preise in die kloanen Cafés rundum stian in Venedig a um nix noch
Und schaug un noch einiger Zeit isch sogor die Sunn außerkemmen:

Dor Droche isch is Symbol von Krakau (wieso sog i enk net, dauert zu long - am besten googlen) und i hon nen sogor erwischt wenn er Fuier gspieben hot Nielsi der sich drun erinnert wia wunderschians decht wor wo er no a Kind wor....
... wor?!... hmm--- Net lei i hon bled gschaug wo er do einigstiegen isch... weil mor grod beim Kind sein....
Am nächsten Tog hobmer an super touristigen Ausflug noch Auschwitz in a Gruppe gmocht, in der is Durchschnittsolter (wia meistens in selche Grupper) ungefähr 65 wor... und stellts enk vor, a Pickerle als Erkennungszeichen UND a Führerin mit Schirmele woren inklusive!!
Seids froah dass man im Museum koane Fotos mochen geterft hot und enk dadurch die Bilder von an Raum voll mit 80 000 Schuach (von die letzten 3 (!!) Kriagswochen) und an ondern total voll mit menschliche Hoor ersport bleiben...Erinnerts enk an Schindlers Liste... die Szene wo der Zug mit die Häftlinge durch des Tor fohrt isch die oanzige de wirklich do in Auschwitz 2 (Birkenau) gedrahnt worden isch

Die Gaskammern... sogor die Öfen in de sie die Leichen von die Juden donn verbrennt hoben woren (nochgebaut) zu segen
Die Mauer wo sie die Leit davor erschossen hoben
Die Betten in die Baracken


Nochdem mi der Niels ständig verorscht hot dass i mit meiner Megajacke olm fost vor Hitze gstorben bin wenn i mein Rucksock a no schleppen hon miasen hobmer an Deal gmocht und Jacken getauscht, damit er sig dass es normal isch in der Jacke zu worm zu hoben.... logisch wors genau an dem Tog weder stressig noch bsunders worm außen und deswegen hot des Projekt net gonz so funktioniert wia geplant....