Unibeginn...

Wor jo klor dasses net ewig so weitergian konn wia bisher, dass man in gonzen Tog net nix, ober zumindest nix wirklich Produktives tuat. Und deswegen hot am letzten Freitig bei mir die Uni ungfongen und i hon mi schun volle drauf eingstellt, dass der Ernst des Lebens jetz do a losgeat...
Wor ollerdings a Irrtum (wos i mor eigentlich a denken gekennt hett - im Nochhinein isch man olm schlauer - weil i jo schließlich Pädagogik studier). Kurz und guat hon i de Woche oanfoch no frei und die nächste Woche donn am Montog gonze 2 Stunden (!!) Vorlesung... donn wieder a Woche frei und ersch wieder am Dienstig drauf wieder Vorlesung... Und so ziacht sich des durchs mehr oder wianiger gonze Semester ;)
Die meisten wern jetz sogen dass des jo super isch, konn i volle ausgian und long schlofen und nix tian und so, ober Fakt isch, dass heit der erste Tog isch wo i nix getun hon, es isch 2 Nochmittog und i hon ungfongen mein gonzes Zimmer zu putzen und aufzuraumen weil i so verzweifelt und gelongweilt wor, weil jo jeder ondere auf der Uni isch. Und des mitn ausgian isch ausn gleichen Grund nix... olle hoben Uni und aloan ausgian isch glabi net so der Brüller...
Werd mor also nix onderes übrig bleiben als die Literaturliste von meiner Vorlesung zu kopieren und is Zuig drauf zu lesen... Premiere!! :)